Բարև, ես Նինան եմ՝ Yerevan Yoga - ի հիմնադիրը։

​

Ես յոգայի որակավորված ուսուցիչ եմ, անցել եմ 500 ժամյա յոգայի ուսուցիչների դասընթացներ և նախածննդյան յոգայի վերապատրաստում Քաշմիրի Շայիվիզմ Յոգայի դպրոցում (Յոգայի միջազգային դաշինքի անդամ):

Նաև ստացել եմ օդային յոգայի մասնագիտացում՝ Luys Yoga Studio - Լույս յոգա ստուդիայում։ 

​

Այն օրվանից, երբ առաջին անգամ ծանոթացա յոգիկ պրակտիկայի հետ, այն դարձավ իմ կյանքի մի շատ կարևոր բաղկացուցիչ մաս: Օրեցօր ավելի խորը ուսումնասիրելով այս հնագույն փիլիսոփայությունը և կատարելով ասանաները՝ ես սկսեցի շատ ավելի լավ հասկանալ իմ միտքն ու մարմինը, ինչպես նաև շրջակա աշխարհը: Յոգան անվերջանալի ուսումնասիրության և բացահայտման պրոցես է։ Յոգա նշանակում է լինել այնպիսին, ինչպիսին մենք ցանկանում ենք լինել, ընդունել արտաքին աշխարհն այնպիսին, ինչպիսին այն կա և գտնել կատարյալ ներդաշնակություն ներքին ու արտաքին աշխարհների միջև: 

Yerevan Yoga-ն հիմնադրվել է 2021 թվականի մայիսին: Մեր նպատակն էր ստեղծել գեղեցիկ և ջերմ տարածք, որտեղ կարելի է հանգստացնել միտքը, զբաղվել յոգայով, զգալ ապահով, ստանալ դրական լիցքեր և շփվել նոր հետաքրքիր մարդկանց հետ: Մեր թիմը ձգտում է ձեր մարմինն ու միտքը ավելի առողջ դարձնել բոլոր մակարդակներում:

Համոզված ենք, որ երջանիկ լինելը յուրաքանչյուր մարդու ընտրությունն է, նույնիսկ եթե անհրաժեշտ է կատարել որոշակի աշխատանք այդ ընտրությունը իրագործելու համար :)

Yerevan Yoga-ն առաջարկում է տարբեր ոճերի յոգայի դասեր, տարբեր ժամերին: Դասավանդման լեզուներն են հայերենը, ռուսերենը և անգլերենը:

Դուք անպայման կգտնեք այն պրակտիկան, որն ավելի հաճելի է և օգտակար հենց Ձեր համար, ավելի հարմար ժամանակային առումով և իհարկե կգտնեք այն ուսուցչին, որը Ձեզ ավելի հոգեհարազատ է :)

Ցանկանում ենք ընդգծել, որ յոգան պրակտիկա է բոլորի համար առանց սահմանափակումների: Հարկավոր չէ լինել կատարյալ կամ ունենալ կատարյալ մարմին, հարկավոր չէ պատկանել որևէ մշակույթի կամ ազգության...Յոգան հենց ձեր և մեր բոլորի համար է: